ድንግል ማርያም ኣብ ድርሳን ቅዱስ ዮሓንስ ኣፈወርቅ 2
ድንግል ማርያም ኣብ ድርሳን ቅዱስ ዮሓንስ ኣፈወርቅ 2
መበል 26 ክፋል፥35
35. ቅዱስ ዮሓንስ ኣፈወርቅ ብዛዕባ ብስራተ ገብርኤል ኣመልኪቱ ኣብ ዝደረሶ ድርሳን ከምዚ በለ። መልኣክ ንቅድስት ድንግል ማርያም ከምዚ ኢሉ ኣበሰራ፣ “ተፈሥሒ ኦ ማርያም እቲ ካባኺ ዝተሰገወ ናይ እግዚአብሔር ቃል ከምቲ መርዓዊ ካብ ዉሻጠ ገዝኡ ዝወጽእ፣ ከምኡ ዉን ንሱ ካባኺ ወጽአ።” መዝ 19፥5
36. “ተፈሥሒ ኦ ማርያም፣ ነቲ ጠፊኡ ዝነበረ በጊዕ (ኣዳም) ክደሊ ዝመጽአ፣ ምስ ረኸቦ ዉን ኣብ መንኮቡ ዝተሰከሞ፣ ኣማናዊ ጓሳ ካባኺ ተወልደ። ተፈሥሒ ኦ ማርያም፣ ብኣኺ ምክንያት፣ እቲ ብሰንኪ ሔዋን ናብ ሲኦል ክንድርበ ዝተፈርደና ማእሰርቲ ተበቲኹ” ማቴ 18፥12-14 ዮሓ 1፥11 ዘፍ 3፥16
Today, lots of people are suffering from many physical problems such as backache, order cialis online http://deeprootsmag.org/2013/02/27/what-a-hero-als-claims-guitarist-dangerous-dan-toler-64/ neck pain and many more.
37. “ተፈሥሒ ኦ ማርያም ንስኺ እግዚአብሔር፣ ኣብ ብሩህ ደበና ተጻዒኑ ናባኺ ዝኣተወላ ቅድስቲ ምድሪ ኢኪ። ተፈሥሒ ኦ ማርያም ኣብ ቅዱሳን ሓዲሩ ዝነብር እግዚአብሔር ካባኺ ተወልደ። ተፈሥሒ ኦ ማርያም እቲ ቅድሚ ፍጥረት ዓለም ዝነበረ፣ ምስ ኣብን፡ መንፈስ ቅዱስን ሓቢርና ንሰግደሉ፣ እግዚአብሔር ወልድ ካባኺ ክዉለድ ፈተወ።” ዘጸ 3፥2-5 ኢሳ 19፥1 መዝ 118፥27 132፥13
38. “ተፈሥሒ ኦ ማርያም፣ ነቲ ኣነ ሓዋሪኡ ዝዀንኩ ወላዲቱ ኢኺ። ተፈሥሒ ኦ ማርያም፣ ካባኺ ምስ ተወለደ ማሕተም ናይ ድንግልናኺ ከምዘይቅየር ዝገበረ ንኣማኑኤል ወሊድኽልና። ሕዝ 44፥1-3
39. ናይ ማህጸንኪ መሰረት ከየተነቓነቐ፣ ንኣምላኽ ዝወልድኪ፣ ኦ ማርያም ሰላም ይብለኪ። ማሕተም ናይ ድንግልናኺ ከየተወቅየረ ንንጉስ ክርስቶስ ዝወለድክልና፣ ኦ ማርያ ሰላም ይብለኪ፤ ንቅዱስ መድሓኒና ብምዉላድኪ ኣደን ኣገልጋሊትን ኮይንኪ ኢኺ። ሞገስ ናይ እግዚአብሔር ምሳኺ እዩ እሞ፣ ኦ ማርያም ሰላም ይብለኪ። ሉቃ 1፥28-39
ብስም ኣቦን ወልድን መንፈስ ቅዱስን፣ ሓደ ኣምላኽ ኣሜን።
ሰላም ንዓኩም ይዂን ዝኸብርኩም ኣነበብቲ እዛ ብሎግ። ፍኖተ-ኣትናቴዎስ ናይ ብርዒ ስመይ ኮይኑ፣ ጽሑፋት ቅዱሳን ምንባብ ዝፎቱ፣ ኣብ ቤተክርስትያን ብክህነት ዘገልግልን፣ ንዝተመሃርክዎ ምስ ካልኦት ምክፋል ዝፎቱ፣ ድኹም ኣገልጋሊ እየ።
"'ናብ እግዚአብሔር ኣምላኽ ዝግባእ ክብሪ ከብጽህ እንከለኹ፣ ብክልተ መገዲ ክጽሊ ይኽእል። እቲ ሓደ፣ "ናብ ኣቦ ብወልድ ኣብ መንፈስ ቅዱስ" እዩ፣ እቲ ካልኣይ ድማ፣ "ናብ ኣብ ምስ ወልድን ምስኡ ዉን ምስ መንፈስ ቅዱስን" እዩ።" ቅዱስ ባሲልዮስ ዓቢ
ቀንዲ ዕላማ እዚ ብሎግ፣ ካብ ዘመነ ሓዋርያት ጀሚሩ ብቅዱሳን ኣቦታት ዝተሰጋገረ፣ ቃል ሓቂ ንኲሉ ኣንባቢ ንምክፋል እዩ። ግድፈት ጽሑፍን፣ ግጉይ ትርጉምን ክህሉ ስለዝኽእል፣ ኣብ ምእራምን፣ ሃነጽቲ ርእይቶ ኣብ ምሃብን ክትተሓባበሩኒ እንዳተላበኹ፣ ሕቶ ምስ ዝህልወኩም ክምልሰልኩም ይፎቱ።lልዕሊ ኲሉ ግና፣ "ቃል ሓቂ ከምቲ ዝግባእ ጌረ ምእንቲ ክነግር"ብጸሎት ክትዝክሩኒ ይምሕጸን።
ብክርስቶስ ድኹም ሓዉኹም
ፍኖተ ኣትናቴዎስ