ኣእዳወይ ተቐበል
ኣእዳወይ ተቐበል፣ ናባካ ዝተዘርጋሓ
ናይ ፍቕሪ ኣርማ፣ ናይ ብጻይነት ምልክታ
ብዘሕ ቅድመ ኲነት ክነሱ ዘይብለይ
ዉሑዳት ዝጾረይ፣ ዝቀለለ ኣርዑተይ
ኣእዳወይ ተቐበል፣ ናባኻ ዝተዘርጋሓ
ትም ኢልካ ደው ኣይትበል፣ ኣብ ሁቕፈይ እቶ ንዓ
ደይ ነዚ ክብል እየ መጺአ፣
ካብ ሰማይ ወሪደ፣ ካብ ድንግል ተወሊደ
ብስጋ ሞት ጥዒመ፣ መሊሰ ተንሲአ
ንዓኻ ዉን ኣኽበርኩካ፣ ናብ ዙፋነይ ወሲደ፣
There are a lot of things people do not know about the have a peek here generic levitra online dosage then do not worry as this disorder has a cure as well.
እዚ ዂሉ ምእንታኻ፣ እቲ ተስፋ ዉን ንዓኻ
ሕጂ ተመለስ ናብ ኢደይ ኲሉ ርኹስ ፈንፊንካ
ኪሉ ዝጎድለካ ኣነ ክመልኣልካ
ብኣይ እንተዀነ እዩ፣ ኲሉ ዘምሕረልካ
ስለዚ
ተመለስ፣ ድሕነት ካብ ኢደይ ተቐበል
ካብ ኢደይ እዩ ምሕረት ኣብ ኢደይ እዩ ዉሕስነት
ኣብ ኢደይ ናጻ ኢኻ፣ የለን ዉን ባርነት
ነፍስኻ ኣብ ኢደይ፣ ኣለዋ ሓርነት
ስለዚ
ኣእዳወይ ተቐበል ምሳይ ተመላለስ
ኣእዳወይ ተቐበል መንፈስካ ክሕደስ
ኣእዳወይ ተቐበል ንበር ዉን ብመንፈስ
ኣእዳወይ ተቐበል ግብሪ ስጋ ክፈርስ
እዚ ኢድ እዩ ዉሕስነትካ፣ ዋጋ ሓርነትካ
እዚ ኢደ እዩ ትኬትካ፣ ኣፍደገ ህይወት ዘርሕወልካ፣
ብስም ኣቦን ወልድን መንፈስ ቅዱስን፣ ሓደ ኣምላኽ ኣሜን።
ሰላም ንዓኩም ይዂን ዝኸብርኩም ኣነበብቲ እዛ ብሎግ። ፍኖተ-ኣትናቴዎስ ናይ ብርዒ ስመይ ኮይኑ፣ ጽሑፋት ቅዱሳን ምንባብ ዝፎቱ፣ ኣብ ቤተክርስትያን ብክህነት ዘገልግልን፣ ንዝተመሃርክዎ ምስ ካልኦት ምክፋል ዝፎቱ፣ ድኹም ኣገልጋሊ እየ።
"'ናብ እግዚአብሔር ኣምላኽ ዝግባእ ክብሪ ከብጽህ እንከለኹ፣ ብክልተ መገዲ ክጽሊ ይኽእል። እቲ ሓደ፣ "ናብ ኣቦ ብወልድ ኣብ መንፈስ ቅዱስ" እዩ፣ እቲ ካልኣይ ድማ፣ "ናብ ኣብ ምስ ወልድን ምስኡ ዉን ምስ መንፈስ ቅዱስን" እዩ።" ቅዱስ ባሲልዮስ ዓቢ
ቀንዲ ዕላማ እዚ ብሎግ፣ ካብ ዘመነ ሓዋርያት ጀሚሩ ብቅዱሳን ኣቦታት ዝተሰጋገረ፣ ቃል ሓቂ ንኲሉ ኣንባቢ ንምክፋል እዩ። ግድፈት ጽሑፍን፣ ግጉይ ትርጉምን ክህሉ ስለዝኽእል፣ ኣብ ምእራምን፣ ሃነጽቲ ርእይቶ ኣብ ምሃብን ክትተሓባበሩኒ እንዳተላበኹ፣ ሕቶ ምስ ዝህልወኩም ክምልሰልኩም ይፎቱ።lልዕሊ ኲሉ ግና፣ "ቃል ሓቂ ከምቲ ዝግባእ ጌረ ምእንቲ ክነግር"ብጸሎት ክትዝክሩኒ ይምሕጸን።
ብክርስቶስ ድኹም ሓዉኹም
ፍኖተ ኣትናቴዎስ